NYIMBO CIA IBUKU 340 - 364

  NDIKENAGIRA NGAI URIA WAHONOKIRIE  1.  Ndikenagira Ngai uria wahonokirie  Njikare njirigiriire uturo wa iguru x2.    2.  Ni anjiraga o muthenya ndikanetigire  Mubango wa mundu na mwiiro wake x2.   3.   Muthenya na utuku ni njagaga ibucia  Ngicurania uria ingikenia Ngai x2.     4.  Matarania makwa ngihera ngiyuria  Njikarage njui ndikaga igai x2.    5.  Ngwiyohania na aria twetaniirwo hamwe  Njikarage njui guoya ni iherithia x2.     6.  Ugemu wa iguru uria ndiriragiria  Njerage na araika itari ucuke x2.     7.  Ngumbuka nyume thi-ino njikare riera-ini  Magegania mekwo matari mekwo x2.     8.  Iguru rigathuthwo ona thi igakunjwo  Ni kiugo kia Ngai uria ucituirie cieri x2   (Amina)

  MURURIA WA MAROHO NI ROHO MUTHERU   1.  Mururia wa maroho ni Roho Mutheru  Na nowe mwaitiriirio;  Na nowe umugite mbere, ekumukinyia iguru.    2.  Gatagati-ini kanyu gutiri munene  Mwendi unene ni enyihie  Nake ucio niwe Ngai egutua mutirima.     3.  Nginyiro cia Mwathani ni gukiririria  Arumwo agakira ki  Aguthwo anyenyo no ki gutiri erihiirie.     4.  Kione mbeu ya uthingu ni wendo wa Roho  Mutugo na mwiiro na mwiki ati ni gwekwo  Ndari kirathimo.    5.  Mwaria gwitherio na nowe muigi wa giko  Muorotani oro na kiara  Kai utari ucio wake ungikirurumika atia    6.  Mugi utegwika kai angiona kamwigunyi  Mumenwo agika wega ucio muthia wake  Arikagia na nduhiu.    7.  Nduka cia thahu ni imunyuo micii-ini  Mukohori mahitia na agatiga athegei  Gwithenia kuri ha.     8.  Mugatuika atheru ni undu ndi mut...

 KIAMBIRIRIA KIA WIHIA WAGIA  1.  Kiambiriria kia wihia wagia  Kirumi ni kiaiyurire thi  Nake Mwathani agiuka thi-ino  Akuhumba kirathimo.    2.  Bururi uyu wari ugwati-ini  Muumbi ni auhutatiire  Irigithathi riake ria mumwe  Akiriruta ni kuiyurwo ni tha.     3.  Ni ruo runene rwaiguiruo  Na thina muingi ugithinikwo  Ni muru wa Ngai akimucaria  Na riu ni mwakionekire.     4.  Ni mwacaririo mukioneka  Mukihingirio kiraniro  Kia Roho Mutheru  Agiikuruka na kio ngoro-ini cianyu.     5.  Maciaro ma Roho Mutheru  Ni ruthiomi ruria muhetwo  Mukaheo kuruthiomaga  Ciana cia Ngai, Halleluya.     6.  Ti-itheru ni mwendete muoyo  Ni kwaga meririria mwi thi  Mukeyagira bata mukionwo ni  Maitho maya mari thi-ino.     7.  Nganja irotura iri kuraya  Cia muoyo wa tene na tene  Menyagai na ma  Muw...

  ONA KWI IHORU NO NDAGIUKA   1.  Ona kwi ihoru no ndagiuka  Ona njiyuritwo ni kieha  Ni njuui haria unjigite  Ndi o muguthaithi uronjigua.     2.  Kieha na ihoru cinjiyuire  Ndacuthiriria wiira Waku  Uria ukungiirwo ni mwiki nai  Akienda kuuthutha authukie    3.  Wambe uririkane muruguo  Agicokere mundu thi  Uringwo ni tha ciaku Murungu  Ndukarekererie Mwakano     4.  Mundu Wa thi no Wamethahia  Egumagira na mwiiro  Ndugatindirie matiruka  Ona ndukarore matithia    5.  Wi muriithi wa ruru rwaku  Wi mwaki mwigunyi wa ciana  Ni gukorwo ikionja ni umenyaga  Ona igituruha ni uciui.     6.  Kione nio aya mahoreire  O metereire kiugo giaku  Magutegeire matu ukimere  O uria wendo waku utarii.     7.  Kiiguire uria matumuka moiga  Mambararitie moko mao  Makwariire hi ciao ukimahe  Kiria ...

  GUOKO KWA JEHOVA KWI HINYA TI KWONJU   1.  Guoko kwa Jehova kwi hinya ti kwonju,  Ni kuhonokanagia magerio-ini.   Hoya Ngai, hoya nama,  Hoya ni ukuheo hoya uteguthangania;  Witheretie.    2.  Matu ma Jehova matiri njika  Wamuhoya ugwatiirie ni egukuigua.     3.  Maitho ma Jehova ni marakuona;  Akamenya mathina maku mothe.     4.  Mwana angihoya itheMugate ahutii  Ndanginengererio ihiga ni ithe.     5.  Jesu ni oigire mwana angihoya Ithe kiunguyu  Ndangimuhe nyamu ya thi.     6.  Wihotore nama uhoe Ngai  Mahoya nimo hinya wa atheru othe.   (Amina)

  MUNDU ARIKIA GWITIKIA AMENYA UHORO   1.  Mundu arikia gwitikia  Amenya uhoro wega  Amenya uhoro niguo  Ndakahenio ni ngoro.    Mwiri uyu nguwika atia  Ukue mathani wega  Nguutwarira Jesu  Anjohere ciiga.     2.  Aciari ngumwika atia  Hamwe na arata akwa  Tondu mwarega Jesu  No kunguciriria.     3.  Ngoro ino ngumika atia  Ikue mathani wega  Ngumiima ikeno cia thi  Niguo yende Jesu.    4.  Na inyui aruti a wira  Wa Roho menyagai  Thabibu ni irikitie kwirua  No kugethuo. (Amina)

  ANDU AINGI NI ARUARU   1.   Andu aingi ni aruaru murimu witagwo uhinga,  Hoyai Ngai muhonio;  Hoya Ngai umenye uria enda,  Na uhoe umenye uria Ngai athuire.     2.  Ngoro kurathimwo ni ya mundu utaruaraga,  Murimu witagwo njuku;  We aturagio ni mahoya,  Hoya Ngai ndukanaruare meciria.     3.  Murimi guthuka ni uria witagwo rumena;  Uthukagia irikaniro  Uthu ni murimu muuru,  Na uiru ni murimu uninaga andu.     4.  Bururi o wothe andu othe mangimenana  Na andu a itura mamenane,  Othe ni maninaga  O mundu Aragia cia uria ungi uuru.    5.  Riria andu mena uthu meciranagiria uuru;  Na magathukia maundu;  Mundu akehia undu wa uria ungi,  Gitumi, othe niaruaru meciria.    6.  Uiru ndungihota gukuria kirikaniro,  Uiru uruaragia meciria;  Gwika wega gugathata,  Mihitwa na irikaniro igathuka.     7. ...

  JESU MWEGA NA MUTUGI   1.  Jesu mwega na mutugi  Muigua tha na muhoreri  Uka tuturanie nawe  Tugithii gwaku Zayuni.     Twaguthaitha Ngai utuhe  Ngoro njororo ta nyama  Niguo ciugo ciaku theru  Cionage ha kuhuruka     2.  Jesu okire atuike njira  Mutharaba utuike ngathi  Nayo thakame tigiti  Ya gututwara matu-ini     3.  Riria nduriri ikeruta  Mithiire ya Isiraeli  Noguo magaciarithanio  Na ciana cia kirathino     4.  Ngai erire lbrahimu  Ndarikia gukurathima  Nawe aria othe ukarathima  Na nii ni ngamarathima    5.  Johana nionire nyamu  Ikiuma thi-ini wa irima  Ona Daniel ni onire  Igithukia ciathi cia Ngai.     6.  Nyamu iyo yaari ya mbere  Ikiringwo iringa ria gikuu  Na riu ningi ni honu  Mundu uria muugi ni amenye     7.  Kurathimwo ni aria mari  Na roho wa gu...

 348. MAGAI MARIA NGAI ENA MO NI MERI 1.  Magai maria Ngai enamo  Ni meri mundu ni ecuranie  Gutiri mundu utakagaya  Ngai ni mwega ndaroraga andu githithi    Kuuma mugunda wa Edeni  Nyoka na mundu makiingatwo  Tiga ni Ngai waiguire tha  Jesu agiuka acokie mundu mugunda     2.  Ahenania ni mahenanie  Makihenania mamenyage  Anania mena Safira  Mahenania, magithikwo eri makiaragia    3.  Atharani ni matharanie  Magitharania mamenyage  Maratharia watho wa Ngai  Ni matharatio, maritwa mao matu-ini    4.  Oragani ni moragane  Makiuranaga mamenyage  Ciira wa Kaini mena Ngai  Uria watuirwo, Ngai ndari tha na mwehia    5.  Ahunjia ni mahunjie narua  Mahunjie makianagirira  Ta Loti itura ria Sodomu  Thi ino ni iroka kuninwo.  (Amina)

  MUCII WA GATURUME NI MUCII MUTHAKA  1.  Mucii wa Gaturume ni mucii muthaka  Wakitwo na thahabu ikengaga ta riua  Gutiri mwihia ugatonya mucii ucio  Ehia othe magatigwo nja.     2.  Ukai riu ti ruciu tutungatire Mwathani  Tutungatire muhonokia  Uria twendete nginya ithiriro.    3.  Andu a guku thi makimuruma  Tondu matiamenyaga niwe utheri wa thi  Makimuruma makimumena  Jesu honokia wiitu.   (Amina)

  NGUKINYUKIA O KAHORA NJEREKEIRE O MATU-INI   1.    Ngukinyukia o kahora,  Njerekeire o matu-ini  Na ni njui ni ngakinya,  Ngahuruke na Mwathani.     Ni wega Ngai Mutongoria  Nake Jesu ni mugate  Roho waku munyotokia  Ndikahute kana nyote.     2.  Kuria gutangigereka  Ngathi njega Jesu Kristo  Ndikahotwo ni utenderu  Kana irima rugendo-ini.     3.  Ngo yakwa ona itimu riakwa  Ni mandiko ma Mwathani  Oro hamwe tuthiaga  Ni irio ciakwa rugendo-ini     4.  Nyamu njuru na mirimu  Itingihota kuhota  Cionaga ngiakana mwaki  Ni kuhumbwo riri wake.     5.  Riria nguona ta inginoga  Hinya muingi ni heagwo  Ngominiria ngarathimwo  Ngakinyukia ngarathimwo.     6.  Caitani anginjukirira  Ni nyonaga magegania  Ni undu ni ndi na muteithia  Ndikahotwo ni magerio.     7.  Mwarahu...

  PETERO NA JOHANA MAGITHII KUHOYA 1.  Petero na Johana magithii kuhoya  Kionje giaikaire muromo-ini  Kiamahoya thendi Petero akimwira  Thi-ini wa ritwa riu ukira.     Thahabu gutiari na betha gutiari  Ritwa ria Jesu kuhonania  Petero arigweta rikihonia kionje  Thi-ini wa Ritwa riu ukira    2.  Kwari uhoti muingi akiriukia Lazaro  Kuu itura-ini ria Bethania  Akinya mungu-ini agitana Lazaro  Thi-ini wa Ritwa riu ukira    3.  Ni aringirwo ni tha akinya Bethania  Ona uria maagite gwitikia  Akiuga ni nii muoyo na ni nii kuriuka  Thi-ini wa Ritwa riu ukira.     4.  Kirindi kioimite matura-ini mao  Makihuta mari weru-ini  Jesu akimahunia mari ngiri nyingi  Thi-ini wa ritwa riu ukira    5.    Kwari uhoti muingi Petero athii Jopa  Ona uria maagite witikio  Akinya ngoroba agitana Tabitha  Thi-ini wa ritwa riu ukira   ...

    O TENE KIAMBIRIRIA KIA ADAMU NA HAWA   1.  O tene kiambiriria kia Adamu na Hawa  Marega watho wa Ngai makiingatwo mugunda x2.  Ngai agitana Adamu, Adamu wiha x2.  Adamu ni ehithite.    2.  Ngai akimuria Adamu aki urite muti uria  Adamu akimucokeria ni muka uria waheire x 2     3.  Wee umitie ngoro yaku thikiriria umuthi  Mathani Jesu aragwita ucoke mugunda-ini x2     4.  Itikia uhumbow nguo tiga guikara njaga  Ngai ena nguo njeru ota ya kiambiriria x2  (Amina)

  UNJARAHURE MWATHANI, UNJARAHURE   1.  Unjarahure Mwathani, unjarahure  Njetereire Jesu kuigua mugambo waku X2.     Thayu, ngoro-ini, thayu  Niguo ndahoya ngoro-ini  Na uriukio waku x2.     2.  Unjiguire tha, Mwathani, unjiguire tha  Ugicerera andu aria angi ndukahituke x2.     3.  Mwari wa ithe wiitu, ugikiuga atia,  Jesu aroiga nioi ciiko ciaku  Aroiga nduri muhiu na nduri muhoro  Ni kaba uhiuhe kana uhore.    4.  Muru wa ithe witu ugukiuga atia,  Ni uui ati wi igweta, ati wi muoyo  Na ni gukua ukuite  Arahuka urumie maundu maria marenda gukua.     5.  Waigua mugambo wa Jesu, ndukomie ngoro  Ngwataniro yanyu na Ngai icoke  Ukenagire uhonokio waku ta mbere  Waigua mugambo wa Jesu, ndukomie ngoro  (Amina)

  MWEI WA GITHIMA GIUKE  1.  Mwei wa githima giuke  Ni undu wira uyu ni waku  Nduiguaga thithi ugikiharuka  O nginya muriko wakio  ugathuthuria tuco tuothe  Ndukanone kanyita ka uuru.     2.  Ugaga muguni uui marakara  Ni uri maingi  Matangihorea matua guitika  Wihumbaga nguo ya tha  Waririkana muruguo  Ni undu ucio niwe wathengerie uuru.     3.  Ihiukia riaku ni inene  Ona mituki uri miingi  Ya kurathima na ningi kuruma  Ni ukenaga ugika wega  Na ugakena ugika uru  Ni undu cieri ni wihunjagia nacio.     4.  Nguraro-ini cia muruguo  Githi toho ngirereirwo  Na ti itheru mbaara ni unyumiire  Ngakena ndanirikana  Mugambo uria wanjariirie  Ati ndi hamwe nawe ngihotana.    5.  Nyumiirwo ni thu ici ciothe  Ni undu wa ritwa riaku  Magita maya mothe ni uramona  Nduirira Ngai wakwa  Ndi mugandu njara cie...

 IGUAI ATHURI NA ATUMIA NA ANAKE NA AIRITU 1. Iguai athuri na atumia Na anake na airitu na tukenge Thikiriria mumenye inyuothe Igongona ria ma nirio njira   Jehova atuire Jesu gicungi Kia mahoi ma nduriri ciothe   2. Habiri atuire na uthingu muingi Akenirie Ngai na igongona Mathina ma Nuhu na maithori Makenirie Ngai na igongona   3. Irikaniro cia Iburahimu Na Jehova ciari nyingi muno Na kiria kinene Ngai amwirire Arute mwana wa igongona   4. Hindi iria Musa magianaga na Filauni Niahurire Misiri guothe Na ciama nyingi Akurire andu na igongona   5. Musa ni aheirwo mathani ikumi Atongoragie kigongona Na ni atigirwo kirima iguru Onio uria egwika githinjiro   6. Daudi aitiriirio maguta ma Ngai Aciragirire Isiraeli Akiira Jehova ni egwaka nyumba Ya magongona ma Jakubu   7. Mwathani oka thi Niahonanirie mirimu na akiringa ciama Ahota mbaara yothe agiita thakame Akure magongona   8. Gitumi Roho aitiririo andu Ni makaira Ngai nama Tondu akenagio ni ma...

    GICUNJI KIHO KINA GITARIRIO   1.  Gicunji kiho kina gitaririo  Ukani tuciire twenyure ngoro  Ni undu wakira hau njira ni ikwemba  Ni amu yanembera aingi marigwo.    2.  Ugiaga kwihokeka na kiiga kimwe  Ici ingi ona wagia no kuhurunja  Tura uteithuranaga o nginya muthia  Tura wi mwihokeku nginya muthia.    3.  Ni inyuanirwo ino ndiri munene  Kuhiriria inyuothe agima na ciana  No muikarite o nginya mukire  Minoga mitei ukai turuthii    4.  Angi moragia uhoro umaga naku  Ni undu matiri mawenjera wega  No ni Ngai wendaga kurutana na ma  Ati ndari kamundu akoima na thutha.     5.  ucio twetikirie e thi-ini wa mundu  Na akamenyeka ni kuuga na gwika  Witikio utari cieko ucio ni muthatu  No nginya wambe wike ucoke urutane.     6.  Mwaheirwo Roho ucio atuike kimuri  Hitho ciahithwo akamuguuragiria  Ma mundu moothe ...

  MURATA GWI KINDU KIEGA GUKIRA THAHABU  1.  Mundu uria tuthomaga uturo tene  He gitonga kienda kindu kiega gwi thahabu.     Murata gwi kindu kiega gukira thahabu  Kuoherwo mehia ni kwega gukira thahabu.    2.  Muthenya umwe kwonekire mundu akirwo  Jesu akirie kuhituka na kindu kiega ma.    3.  Akihaica muti iguru niguo eyonere  Mundu ungiheana kindu kiega gwi thahabu.     4.  Mwathani agiuka na njira akimuona muti-ini  Jesu akimwita akimwira no nditonya gwaku.    5.  Agiathika thutha akona ndamenyete kuna  Kiria Jesu amureheire kiega gwi thahabu.  (Amina)

  ANDU AITU KIRIA KIRATURIA  1.  Andu aitu kiria kiraturia  Ni kurigwo ni kuria turathii  Tungimenya njira ya matu-ini  Tutingirigwo ni maundu makuo.    Mwatuma urata na thi na andu ayo  Uthu ni mwagia na Ngai witu.     2.  Andu aitu tathikiririai  Ciugo ciaririo ni Johana  Andu amwe ti ahiu na ti ahoro  Wicuranie haria urugamite.    3.  Andu aitu tathikiririai  Thi ino yothe no ta githingithia  Ruo na kieha na maithoni  Ni cio igutuika arata ahonoku.    4.  Andu aitu tathikiririai  Jesu aroiga nii no nguka  Na nguka na mbutu cia araika  Gutiri iritho ritakanyona.   (Amina)

  NI TWIHUGE NGORO NA TWARAHURE MECIRIA MA TORO   1.  Ni twihuge ngoro na twarahure  Meciria ma toro tuthaithe Ngai  Niguo tutige toro ta aria a guku thi  Meciria mao metagwo kuherithio    Maciaro ma toro, ni tumaiguei  Tumenye ti mega  Twihuge nama     2.  Ngai ni atumire thu cia Gideoni  Ithiururukiirio haria ciakomete  Ni andu a Israeli magwete imuri  Thu ikiuragana cio nyene, tondu wa toro     3.  Daudi ni athire he muthamaki  Agwete gitete, na itimu riake  Ni atemire nguo ya muthamaki,  Gicora kiayo; agitinia ni tondu wa toro     4.  Samusoni ari, njamba iri hinya  Hindi iria akomire, akienjwo njuiri  Hinya wothe ugithira, akienjwo ni thu,  Akirutwo maitho meri, niundu wa toro    5.  Korokoro yothe ni yainainire  Paulo na Sila, mainira Ngai  Mumirangiri Akiruta ruhiu ethece,  Niundu wa toro     6.  P...

  JEHOVA AITIRIIRIE MWATHANI WITU MAGUTA   1.  Jehova aitiriirie mwathani witu maguta  Athamakagire ngoro     Gaturume ni hekaru  Nduriri ciothe Roho ekuga itonye    2.  Nyumba ya lawii nikuo arutire uthinjiri  Na agitia Juda uthamaki    3.  Andu guku thi mahakagwo na indo cia thi  Ngai ahakagwo na ngoro    4.  Roho agatua cira na uthingu uri kihoto  Ndagatua ciira na ihaki    5.  Kuhuruka ni uria ukahurukio ni Mwathani Mathina mothe ma ngoro.  (Amina)

  MAKAI NI JEHOVA MUUMBI WA IGURU NA THI   1.  Makai ni Jehova muumbi wa iguru na thi,  Ni njamba Etagwo kihoti     Atumwo a Jehova Othe maiyuirwo ni tha  Na uthingu na ihoto na utheri     2.  Jehova atuma riua riume rionage kuraya  Na ihenya; rigathii kwihitha     3.  Ngai atumaga mbura miti na nyeki  Irio cia miigua igokira na iguru     4.  Jesu atumirwo ni Ithe oimburire andu  Othe kwi mwaki, matige waganu     5.  Zakaria atumiirwo muraika ni Jehova  Akimaka akiohwo rurimi     6.  Korinelio onake ariirio ni muraika  Akiinainio ni utheri wa nguo     7.  Paulo atemanirio ni mugambo na utheri  Njira-ini Gocai Jehova.    8.  Petero ahinguriirwo ni muraika wa Ngai  Mirango yakitwo na igera.    (Amina)

 THIURURUKITE IKENO-INI CIOTHE  1.  Thiururukite ikeno-ini ciothe  Ngakora no iria cia Sodomu  Ngikora ni iriuka kunuhwo  Ngiura ta Loti ngihonoka.     Menya Herode ndarakoma  Nginya gakenge gakoneka  Ni umenyereire Jesu Gakenge  Ta Mariamu mena Jusufu.    2.  Airitu ikumi mari uhiki-ini  Atano mari na maguta  Muhikania oka makiingira  Hihi Jesu oka ni ukaingira.    3.  Andu aingi ni meguthira  Macuthiriirie marembu ma thi  Na ni marembu meguthira  Ni magutuma ukorererwo.    4.  Mucukani ni oimite nduma-ini  Ahitithie andu a ngoro igiri  Ona aria amure kwahoteka  Ona akararia mena imenyi.    5.  Kuri undu muru kwi mundu wothe  Akorwo ndoi na ndoi  Ndoi ati thi ni iroka kunuhwo  Na ndari na kirigiriro.  (Amina)

 GUKENA NI ARIA MAHETWO ROHO URIA WA MA 1. Gukena ni aria mahetwo Roho uria wa ma Aria mamenyagirira igongona itheru.   Gukena ni aria maiguite na aria mamenyete Ati Jesu ni aretana andu mahonokio.   2. Gukena ni aria makona magikirwo thumbi Kuu mucii wa matu-ini ni mwathani wao.   3. Athuri aya, atumia aya no mukarira Riria Mwathani agacoka mwaga kwirira.   4. Anake aya, ainitu aya no mukarira Riria Mwathani agacoka mwaga kwirira.   5. Roho Mutheru atumirwo irikanagie andu Maundu maria mandike mahinda mothe.   6. Mwathani wakwa ndeithagia niguo hotage Mbaara ciothe cia guku thi na mitano yayo.  (Amina)

  NDUNGATA CIA NGAI UKIRAI   1.  Ndungata cia Ngai ukirai muteithurane mbara  Ineneheire bururi wanyu, itiai Ngai uugi.     2.  Kunyitana rumwe ciana cia Ngai kurehage gutoria  Tugiriririe ngoma na mawira make maage kiene.     3.  Ngurua na mwiri o nginya ngarikiriria wira  Ndarikia wira nganengererio igai ni Mwathani witu.     4.  Matunda ma muoyo maigiirwo wothe witeaniirie  Eyaurite ngumo ya thi agathingata na ma.     5.  Gitio ndigwetherera gia thi nguthingata kia iguru  Ndamenya wega ndarikia wira ni ngahumbwo gutoria.     6.  Njitiirwo muoyo arata akwa niguo nginyirite  Ndimuhumie ni maundu ma thi na mihang’o ya mwiri.   (Amina)